BAKI.AzerVoice
İsrail ordusunun səhər saatlarından Qəzza zolağının müxtəlif bölgələrinə təşkil etdiyi hücumlarda 13 fələstinli həyatını itirib.
AzerVoice xəbər verir ki, Qəzzaya qarşı blokadanı gücləndirərək, yardım axınını məhdudlaşdıraraq humanitar fəlakətə səbəb olan İsrail, köçkün fələstinlilərin çadırlarını, yardım istəyən mülki vətəndaşları və yaşayış məntəqələrini hədəfə alıb.
İsrail ordusunun Qəzzanın cənubundakı Xan Yunus şəhərinin qərbindəki əl-Məvasi bölgəsində "Zareb" ailəsinə məxsus evi bombalaması nəticəsində 5 fələstinli həlak olub, 30-dan çox adam yaralanıb.
İsrail ordusunun Qəzzanın mərkəzində Əl-Məğazi Qaçqınlar Düşərgəsindəki evi bombalaması nəticəsində 3 fələstinli ölüb, çoxlu sayda yaralı var.
