BAKI, AzerVoice, Nailə Babazadə
İsrail ordusunun Qəzza zolağının müxtəlif bölgələrinə bu səhər saatlarından bəri həyata keçirdiyi hücumlarda, aralarında qadın və uşaqların da olduğu 17 fələstinli həyatını itirib.
AzerVoice xəbər verir ki, Qəzzaya tətbiq etdiyi blokadanı sərtləşdirərək yardım girişini məhdudlaşdırmaqla humanitar fəlakətə səbəb olan İsrailin hədəfində yenə yardım almaq istəyən mülki şəxslər vardı.
Səhiyyə mənbələri və hadisə şahidlərindən əldə edilən məlumatlara görə, İsrail ordusunun Qəzza şəhərində yerləşən Şati Qaçqınlar Düşərgəsində bir evi bombalaması nəticəsində biri qadın, biri uşaq olmaqla 3 fələstinli həyatını itirib.
Şəhərin şimalındakı Şeyx Rıdvan məhəlləsində İsrail ordusunun bir evi hədəfə alması nəticəsində biri yaşlı, ikisi qadın olmaqla 3 fələstinli həyatını itirib.
Qəzzanın mərkəzində yerləşən Nusayrat Qaçqınlar Düşərgəsində İsrail ordusunun yenə bir evi hədəfə alması nəticəsində 2-si uşaq olmaqla 4 fələstinli həyatını itirib.
Qəzzanın cənubundakı Xan Yunis şəhərində İsrail ordusunun bir evi bombalaması nəticəsində 5 fələstinli həyatını itirib.
İsrail ordusuna məxsus pilotsuz uçuş aparatının (PUA) Xan Yunisin Əl-Mevasi bölgəsində məcburi köçkünlərin çadırlarını hədəfə alması nəticəsində bir ana və qızı həyatını itirib.
