BAKI, AzerVoice, Nailə Babazadə
İsrail ordusunun bu gün səhər saatlarından etibarən Qəzza zolağına həyata keçirdiyi hücumlar nəticəsində 15 fələstinli həyatını itirib.
AzerVoice xəbər verir ki, xəstəxana mənbələrinin və şahidlərin verdiyi məlumata görə, İsrail ordusu Qəzza zolağında yenidən köçkün düşənlərin çadırlarını, mülki insanların evlərini və yardım gözləyən şəxsləri hədəfə alıb.
İsrailin Qəzza şəhərinin cənub-şərqində yerləşən Zeytun məhəlləsində bir evi bombalaması nəticəsində 4 fələstinli həyatını itirib, 2 nəfər yaralanıb. Eyni məhəllədə başqa bir evə edilən hücum zamanı da 4 nəfər ölüb.
Qəzza şəhərinin cənubunda yerləşən bir evə edilən hücumda 1 fələstinli ölüb.
İsrail ordusuna məxsus hərbi texnika, Qəzza şəhərinin qərbindəki Şati Qaçqınlar Düşərgəsinin "Belahiye" bölgəsində bir evin damını top mərmisi ilə vurub.
Qəzza zolağının mərkəzində, Qəzza vadisi ətrafında yerləşən yardım paylanma nöqtəsinə yaxın ərazidə yardım gözləyən fələstinlilərə İsrail ordusunun atəş açması nəticəsində bir uşaq həyatını itirib, 11 nəfər yaralanıb.
Qəzza zolağının cənubundakı Xan Yunusun qərbində yerləşən Mevasi bölgəsində müvəqqəti sığınacaqda yaşayan köçkünlərin çadırına təşkil olunan hava hücumu nəticəsində, aralarında bir ailə cütlüyü və iki uşağın da olduğu 5 fələstinli həlak olub.
