BAKI, AzerVoice, Nailə Babazadə
Qəzza zolağında məcburi köçkün düşən fələstinlilərin yaşadığı çadırların 93 faizinin çökdüyü, istifadə üçün yararsız hala gəldiyi və artıq sığınacaq kimi istifadə oluna bilmədiyi bildirilib.
AzerVoice xəbər verir ki, Qəzzadakı hökumətin Media İdarəsinin rəhbəri İsmayıl əs-Səvabite açıqlama verib.
“135 min çadırdan 125 mini çöküb və yaşamaq üçün yararsız hala gəlib. İsrailin mart ayından bu yana tətbiq etdiyi sərt blokada səbəbindən yeni çadır təmin edilə bilmir, humanitar yardımın bölgəyə daxil olması əngəllənir.” - deyə Səvabite qeyd edib.
Səvabite qeyd edib ki, İsrailin son iki il ərzində davam edən hücumlarında on minlərlə çadır birbaşa bombalanaraq sıradan çıxarılıb, digərləri isə isti hava və güclü külək kimi təbii təsirlər nəticəsində zərər görüb.
Səvabite bildirib ki, İsrailin zorakı köç strategiyası ilə Qəzza zolağında bir yerdən digər yerə sürülən fələstinlilər "misli görünməmiş bir humanitar fəlakətlə" üz-üzə qalıblar.
O qeyd edib ki, məcburi köçkünlərin yaşadığı çadırlar nizamsız şəkildə yolların kənarlarında və sanitariya şəraiti olmayan ərazilərdə qurulub. Qəzzanın cənubundakı Əl-Məvasi bölgəsində yüz minlərlə ailə sıxışmış vəziyyətdədir və bölgə artıq yeni köç dalğasını qəbul edə biləcək vəziyyətdə deyil.
Səvabite deyib ki, İsrail, Qəzzanın şimal hissəsindən cənuba məcburən köçürülən fələstinliləri məqsədli şəkildə hədəf alıb. Bu hücumlar nəticəsində yüzlərlə insan həyatını itirib və ya yaralanıb.
“Təxminən 2 milyon fələstinli zorla yerindən edilib. 293 sığınacaq mərkəzi birbaşa hədəf alınıb,” – deyə o əlavə edib.
Beynəlxalq ictimaiyyətə səslənən Səvabite vurğulayıb ki, məcburi köçürülmələr dayandırılmalı, fələstinli qaçqınların geri dönüş hüququ təmin olunmalı və Qəzza zolağında dağıdılmış infrastruktur – hansı ki, 88 faizi artıq mövcud deyil – bərpa olunmalıdır.
“Qəzza zolağında baş verənlər müvəqqəti bir humanitar böhran deyil, bütün göstəriciləri ilə açıq bir soyqırımdır. Beynəlxalq ictimaiyyət zaman itirmədən hərəkətə keçməlidir. Sərhəd qapıları dərhal açılmalı, bölgəyə çadır, ərzaq və dərman yardımları daxil olmalıdır.” - deyə S
