BAKI, AzerVoice, Nailə Babazadə
ABŞ Dövlət Departamentinin İraqa 100 milyon dollarlıq mümkün hərbi rabitə sistemi satışını təsdiqlədiyi bildirildi.
AzerVoice xəbər verir ki, ABŞ Müdafiə Nazirliyinə bağlı Müdafiə Təhlükəsizlik Əməkdaşlığı Agentliyi (DSCA) İraqa mümkün hərbi rabitə sistemi satışına dair açıqlama yayıb.
Açıqlamada, Dövlət Departamentinin İraqın komanda və nəzarət qabiliyyətinin artırılması üçün 100 milyon dollarlıq rabitə və radio sistemlərinin satışına icazə verdiyi qeyd edilib.
Buna əsasən, mümkün satışın radio giriş nöqtələri, daşınan radiolar, radio stansiyası sistemləri və radio təkrarlayıcı sistemləri kimi elementləri əhatə etdiyi bildirilib.
