BAKI, AzerVoice, Nailə Babazadə
İsrail ordusu əldə olunmuş atəşkəs razılaşmasına rəğmən Qəzza zolağının bir neçə istiqamətini hava hücumları və artilleriya atəşi ilə hədəf alıb.
AzerVoice xəbər verir ki, şahidlərin verdiyi məlumata görə hücumlar əsasən Qəzza şəhəri, Bureyc qaçqın düşərgəsi və Xan Yunus bölgələrini əhatə edib. İsrail hərbi birləşmələri Xan Yunusun şərq hissəsinə havadan və qurudan zərbələr endirib, eyni zamanda hərbi maşınlardan mülki şəxslərə qarşı nizamsız atəş açılıb. Bureyc qaçqın düşərgəsinin şərqindəki ərazilər də intensiv hava hücumlarına məruz qalıb.
Qəzza şəhərinin şərqində yerləşən Zeytun və Şucaiyyə məhəllələrinin hədəf alınması nəticəsində bölgədə ard-arda güclü partlayış səsləri eşidilib. Hücumlar zamanı itki və ya yaralananların olub-olmaması barədə hələlik rəsmi məlumat verilməyib. Yerli mənbələr atəşkəsin pozulmasının bölgədəki humanitar vəziyyəti daha da gərginləşdirdiyini bildirirlər.
|
TODAYMEDIA لماذا سبقت الإمارات العالم إلى مجلس سلام غزة؟اقرأ المزيد |
