BAKI, AzerVoice, Nailə Babazadə
Səudiyyə Ərəbistanının xarici işlər naziri şahzadə Feysəl bin Fərhan Polşanın paytaxtı Varşavaya rəsmi səfərə gedib.
AzerVoice xəbər verir ki, bu barədə Səudiyyə Mətbuat Agentliyi (SPA) məlumat yayıb.
Bildirilib ki, səfər çərçivəsində şahzadə Feysəl bin Fərhanın bu gün Polşanın Baş nazirinin müavini və xarici işlər naziri Radoslav Sikorski ilə görüşü nəzərdə tutulub.
Görüş zamanı tərəflərin iki ölkə arasındakı ikitərəfli münasibətləri və əlaqələrin müxtəlif sahələr üzrə gücləndirilməsi yollarını müzakirə edəcəkləri gözlənilir.
