BAKI,VOA, Nailə Babazadə
İsrail ordusu, atəşkəs elan olunmasına baxmayaraq, Qəzza zolağına hücumlarını davam etdirir. Qəzzadakı Səhiyyə Nazirliyi 2023-cü ilin oktyabr ayından bu yana davam edən hərbi əməliyyatlarda yaşanan itkilərlə bağlı son rəsmi məlumatları paylaşıb.
VOA xəbər verir ki, nazirliyin yazılı açıqlamasında bildirilir ki, son 24 saat ərzində Qəzzadakı xəstəxanalara daha 2 meyit və 11 yaralı gətirilib. Qəzzada atəşkəsin qüvvəyə mindiyi 10 oktyabr 2025-ci ildən bəri İsrailin hücumları nəticəsində 689 nəfərin öldürüldüyü, 1860 nəfərin yaralandığı, dağıntılar altından isə 756 cənazənin çıxarıldığı qeyd edilib.
Son statistikaya əsasən, 2023-cü ilin oktyabr ayından bu yana Qəzza zolağında həyatını itirənlərin ümumi sayı 72 min 265-ə, yaralı sayı isə 171 min 959-a yüksəlib. Dağıntılar altında hələ də minlərlə cənazənin qaldığı bildirilir.
