BAKI,VOA, Nailə Babazadə
Birləşmiş Ərəb Əmirliyinin paytaxtı Əbu-Dabi şəhərinin kənarında hava hücumundan müdafiə sistemləri tərəfindən zərərsizləşdirilən ballistik raketin qalıqlarının yerə düşməsi faciəyə səbəb olub.
VOA xəbər verir ki, hökumətin media ofisinin cümə axşamı yaydığı məlumata görə, hadisə nəticəsində iki nəfər həlak olub, üç nəfər isə yaralanıb.
Əbu-Dabi Media Ofisinin "X" sosial platformasındakı rəsmi hesabında paylaşılan bəyanatda bildirilir ki, raket qalıqlarının düşməsi həmçinin ərazidəki bir neçə avtomobilə ciddi ziyan vurub. Həlak olan şəxslərin kimliyi hələlik müəyyən edilməyib. Yaralıların vəziyyəti və hadisənin təfərrüatları ilə bağlı araşdırmalar davam edir.
