BAKI,VOA, Fərid Mikayılov

Livanın cənubundakı Nəbatiyə mühafizəsi (quberniyası) İsrail hərbi hava qüvvələrinin intensiv hücumlarına məruz qalıb.

VOAxəbər verir ki, ilkin məlumatlara görə, həyata keçirilən silsilə hava reydləri nəticəsində azı iki nəfər həyatını itirib.

Livanın Milli Xəbər Agentliyinin (NNA) yaydığı məlumata əsasən, hücumlar fərqli yaşayış məntəqələrini hədəf alıb:

• Deyr Zəhrani: Şəhər yaxınlığında həyata keçirilən PUA (dron) hücumu nəticəsində bir nəfər həlak olub.
• Zibdin: Sabahın erkən saatlarında qəsəbəyə endirilən zərbələr nəticəsində daha bir mülki şəxsin öldüyü bildirilir.

Hədəfə alınan digər məntəqələr

İsrail hərbi təyyarələri və dronları bölgənin digər strateji və yaşayış nöqtələrinə də zərbələr endirib. Reydlərin qeydə alındığı ərazilər bunlardır:

• Eyn Qana və Ərəb Səlim kəndləri (hava zərbələri);
• Nəbatiyə əl-Fövqa qəsəbəsi (dron hücumu).