BAKI,VOA
Suriya hakimiyyəti ölkə ərazisində ABŞ qüvvələrinin istifadə etdiyi bütün hərbi obyektlərin boşaldıldığını və dövlət nəzarətinə verildiyini bəyan edib.
VOA xəbər verir ki, rəsmi Dəməşq tərəfindən yayılan açıqlamada bildirilib ki, ABŞ hərbi kontingentinə aid bütün mövqelər artıq tərk edilib və həmin ərazilər Suriya dövlət qurumlarına təhvil verilib. Məlumatda qeyd olunur ki, bu addım ölkənin ərazi bütövlüyünün bərpası istiqamətində mühüm mərhələ kimi qiymətləndirilir.
Suriya tərəfi bu prosesi suverenliyin möhkəmləndirilməsi və xarici hərbi iştirakın sona çatması baxımından strateji nailiyyət kimi təqdim edir. Bununla yanaşı, hadisənin regionda qüvvələr balansına və təhlükəsizlik mühitinə təsir göstərəcəyi ehtimal olunur.
Ekspertlər hesab edir ki, ABŞ qüvvələrinin mümkün geri çəkilməsi Yaxın Şərqdə geosiyasi dinamikanı dəyişə bilər və xüsusilə regionda fəaliyyət göstərən digər aktorların mövqelərinə təsir edəcək. Bu kontekstdə Türkiyə, İran və Rusiya kimi ölkələrin reaksiyası diqqətlə izlənilir
