BAKI,VOA,Yusif Şərifzadə
Livanın “Hizbullah” hərəkatı İranın ABŞ ilə aparılacaq danışıqların növbəti mərhələsində İsrail qüvvələrinin Livandan çıxarılmasını gündəmə gətirəcəyinə dair təminat verdiyini bildirib.
VOA xəbər verir ki, bu barədə Hizbullahın media əlaqələri ofisi “Reuters” agentliyinə məlumat verib.
Məlumata görə, İsrail qoşunlarının çıxarılması gələcək danışıqların şərti deyil, nəticəsi kimi nəzərdə tutulur.
Hizbullahın açıqlamasında İran–ABŞ memorandumunun imzalanmasından sonra diplomatik proseslərin davam etdiyi qeyd olunur.
Bildirilib ki, Tehran Vaşinqtonla danışıqların davam edən mərhələsində Livan məsələsini də gündəmə gətirəcək.
Hizbullah tərəfi həmçinin iddia edib ki, İsrailin Livandan çıxması təmin olunmadan İran və ABŞ arasında nüvə razılaşmasının tam şəkildə həyata keçməsi mümkün olmayacaq.
Qrupun fikrincə, bu mövzu regional danışıqların əsas hissəsinə çevrilib.
