BAKI,VOA,Yusif Şərifzadə

Qəzza zolağında bir neçə gün davam edən nisbi sakitlikdən sonra İsrailin hücumu nəticəsində ölüm halları qeydə alınıb.

VOA xəbər verir ki, Qəzza şəhərində baş verən partlayışın hədəfinin mülki şəxslərin olduğu bildirilən bir jeep olduğu deyilir.

Məlumata görə, hadisə nəticəsində üç nəfər həlak olub.

Onlardan yalnız biri – Abdül Cavad Əbu Lebn identifikasiya edilib və onun yaxın günlərdə evlənəcəyi bildirilir.

Avtomobildə toy dəvətnamələrinin tapıldığı qeyd olunur.

Qəzza Səhiyyə Nazirliyi və yerli xilasetmə xidmətlərinin məlumatına görə, cəsədlərin vəziyyəti onların tanınmasını çətinləşdirib.

Eyni zamanda, Beyt Lahiya bölgəsində İsrail atəşi nəticəsində bir qız uşağının öldüyü bildirilib.

Səhər saatlarında isə bir balıqçı hücum zamanı yaralanıb.

Qəzza xəstəxanalarının tibbi ləvazimat çatışmazlığı səbəbindən yaralılara yardım göstərməkdə çətinlik çəkdiyi qeyd olunur.

Məlumata görə, bütün bu hadisələr atəşkəsin davam etdiyi bir dövrdə baş verir.