BAKI,VOA,Yusif Şərifzadə
Livanın Səhiyyə Nazirliyi İsrailin martın 2-dən etibarən ölkəyə həyata keçirdiyi hücumlar nəticəsində həyatını itirənlərin sayının 4 322 nəfərə yüksəldiyini açıqlayıb.
VOA xəbər verir ki, nazirliyin yaydığı məlumata görə, hücumlar zamanı ümumilikdə 12 210 nəfər müxtəlif dərəcəli bədən xəsarətləri alıb.
Rəsmi məlumatda bildirilib ki, xilasetmə və axtarış işləri davam etdiyi üçün itkilərin sayının dəyişə biləcəyi istisna olunmur.
Son aylarda Livanın müxtəlif bölgələri mütəmadi olaraq hava və artilleriya zərbələrinə məruz qalır. Hücumlar nəticəsində yaşayış məntəqələrinə və mülki infrastruktura ciddi ziyan dəyib.
Beynəlxalq təşkilatlar bölgədə humanitar vəziyyətin ağırlaşdığına diqqət çəkərək mülki əhalinin müdafiəsinin təmin olunmasının vacibliyini vurğulayırlar.
