Bakı,AzerVoice

Əgər milli maraqlar əsasdırsa, xalqın bir hissəsinin övladlarını rus bölmələrinə qoyması və rus dilində danışması narahatlıq doğurmalıdır.

AzerVoice xəbər verir ki, bu sözləri bu sözləri Fəlsəfə üzrə Fəlsəfə doktoru Elvüsal Məmmədov deyib.

O, şəxsi Feysbuk hesabında Azərbaycan dilinin qorunması və rus dilinin yayılması məsələsinə toxunub.

Son zamanlar Rusiya ilə münasibətlərin gərgin olduğu bir dövrdə, bəzi şəxslərin rus dilinin müdafiəsini birbaşa deyil, məsələn, türk dilinin "təhlükəsi"ni gündəmə gətirərək, "Azərbaycan dili" birləşməsinin təəssübünü çəkməsi müzakirə olunur.

Məmmədovun fikrincə bu vəziyyətin kimə xidmət etdiyi, ölkə və milli maraqlarına, yoxsa Rusiyaya fayda verdiyi sual altındadır.

“"Azərbaycan dili" ifadəsi siyasi baxımdan uğurlu seçimdir və milli problem aktuallığını qoruduqca bu birləşmə olduğu kimi saxlanmalıdır. Amma özünə dilçi, ziyalı deyən kimsə bu birləşməni dilçilik nöqteyi-nəzərindən izah etməsin; çünki siyasi-ideoloji konyunkturaya uyğun formalaşdırılan məfhumlara elmi izah gətirmək ancaq politbüro təfəkkürlü insanlara xas davranışdır”,- deyə o bildirib.

O deyir ki, dünyanın heç bir yerində özünə hörmət edən xalqlar öz övladlarına təhsili başqa xalqların dilində vermir.

“Özümüz olaq, cənablar! Onsuz da, Özgənin nəzərində Öz ola bilməyənlərin heç bir dəyəri yoxdur”,- deyə o bildirib.