BAKI, AzerVoice
Ukrayna Prezidenti Volodimir Zelenskinin Rusiya nümayəndə heyətinə qarşı səsləndirdiyi təhqiramiz ifadələri təxribat xarakteri daşıyır.
AzerVoice xəbər verir ki, bu sözləri Rusiya Prezidentinin mətbuat katibi Dmitri Peskov deyib.
“Bu, ehtiyatsız və uğursuz bir bəyanatdır” — deyə Peskov jurnalistlərin sualını cavablandırarkən bildirib.
Peskov qeyd edib ki, Ukrayna liderinin bu cür açıqlamaları dialoq mühitinə uyğun gəlmir və konstruktiv danışıqlar üçün maneə yaradır.
Qeyd edək ki, bu bəyanat Ukrayna və Rusiya nümayəndə heyətlərinin İstanbulda keçirdiyi ikinci görüşdən bir gün sonra səsləndirilib. Danışıqlar Çırağan sarayında baş tutub və təxminən bir saat davam edib. Görüşdə tərəflər ağır yaralılar və 25 yaşdan aşağı olan şəxsləri əhatə edən yeni məhbus mübadiləsi ilə bağlı razılığa gəliblər, lakin Ukraynanın irəli sürdüyü liderlər səviyyəsində sammit təklifi müzakirələr zamanı qəbul olunmayıb.
