BAKI, AzerVoice
İranın xarici işlər naziri Seyid Abbas Araqçi Atom Enerjisi üzrə Beynəlxalq Agentlik (AEBA) və onun baş direktoru Rafael Qrossini ABŞ-nin İrana qarşı hücumu fonunda öz qanuni vəzifələrini yerinə yetirməyə çağırıb.
AzerVoice-un məlumatına görə,İstanbulda keçirilən mətbuat konfransında çıxış edən nazir bildirib ki, AEBA rəhbərliyinin hazırkı mövqeyi əksinə, müharibə istəyən dövlətlərin İrana qarşı hərbi təcavüzünə yaşıl işıq yandırır.
Araqçi vurğulayıb ki, Agentliyin Direktorlar Şurası İranın dinc məqsədli nüvə obyektlərinə qarşı həyata keçirilən təhlükəli hücumlara dərhal reaksiya verməlidir. Onun sözlərinə görə, ABŞ-nin bu addımı beynəlxalq sülhə və stabilliyə ziddir:
“ABŞ-nin İrana hücumu beynəlxalq hüquq normalarına və sülh prinsiplərinə zidd olmaqla yanaşı, faktiki olaraq beynəlxalq müstəvidə ‘meşə qanunu’nu yayır”, – deyə İranlı diplomat qeyd edib.
Qeyd edək ki, ötən gecə ABŞ hərbi hava qüvvələri İranın Fordo, Natanz və İsfahan şəhərlərində yerləşən üç nüvə obyektinə zərbələr endirib. Hücumlar nəticəsində obyektlərin ciddi zərər gördüyü bildirilir.
