Bakı, AzerVoice

Boliviyada sərnişin avtobusu mikroavtobusla toqquşub.

AzerVoice xəbər verir ki, qəza Boliviyanın Potosi vilayətində baş verib.

İlkin məlumatlara görə, qəza nəticəsində 25 nəfər ölüb, 26 nəfər isə yaralanıb.

Potosi bölgəsinin prokuroru Qonzalo Aparisionun verdiyi açıqlamaya görə, Oruro şəhərindən hərəkət edən sərnişin avtobusu Potosi və Oruro bölgələrini birləşdirən magistral yolda mikroavtobusla toqquşub.

Prokuror bildirib ki, xilasetmə əməliyyatları çətin relyef şəraiti səbəbindən mürəkkəb şəkildə həyata keçirilir.

Qəzanın səbəblərinin araşdırılması üçün genişmiqyaslı istintaq başladılıb.

Hazırda hadisə yerində yanğınsöndürənlər və polislərin xilasetmə işləri davam edir.

Qeyd edək ki, daha öncə Boliviyada iki sərnişin avtobusunun toqquşması nəticəsində 37 nəfər həyatını itirmiş, 30 nəfər isə yaralanmışdı.