Bakı, AzerVoice

Hindistan, Banqladeşin Türkiyə istehsalı olan Bayraktar TB2 Silahlı Pilotsuz Uçuş Aparatlarını (SİHA) sərhəd bölgəsinə yerləşdirməsindən narahatdır.

AzerVoice xəbər verir ki, Hindistan təhlükəsizlik qüvvələri SİHA-ların fəaliyyətinə qarşı tədbirlər görməyə başlayıb.

Hindistan Ordusunun mənbələri Banqladeşin Bayraktar TB2-lərinin öz hava sahəsində, lakin Hindistan sərhədi boyunca uçuşlar həyata keçirdiyini açıqlayıb.

Təkmilləşdirilmiş görüntü kəşfiyyat (IMINT) imkanlarına malik Bayraktar TB2 SİHA-ları Banqladeş Ordusu tərəfindən aktiv şəkildə istifadə olunur. Son aylarda Hindistan sərhəd bölgəsində Banqladeşin pilotsuz uçuş aparatlarının kəşfiyyat missiyaları həyata keçirdiyi bildirilir.

Hindistan Ordusunun mənbələri Banqladeşin Bayraktar TB2-lərinin öz hava sahəsində, lakin Hindistan sərhədi boyunca uçuşlar həyata keçirdiyini açıqlayıb. Bəzi missiyaların 20 saatdan çox davam etdiyi və bunun Banqladeşin sərhəd xəttində intensiv müşahidə olunduğu vurğulanıb.

Digər tərəfdən, Hindistan yeni radarlar və müşahidə sistemləri quraşdıraraq bölgədəki pilotsuz uçuş aparatlarının hərəkətlərini real vaxt rejimində izləməyə başlayıb.

Məlumat üçün bildirək ki, 2014-cü ildən etibarən aktiv istifadədə olan Bayraktar TB2 SİHA-ları 1 milyondan çox saat uçuş həyata keçirərək ən uzun müddət aktiv qalan Türkiyənin milli uçuş aparatı olub.

Baykar şirkəti, ABŞ, İsrail və Çini geridə qoyaraq, qlobal SİHA bazarında Türkiyənin payını 65%-ə çatdırıb.

Bayraktar TB2, indiyədək 150 milyon kilometrdən çox məsafə qət edib ki, bu da Yer kürəsini 3744 dəfə dövr etməyə bərabərdir.

Bu uçuş aparatı dünyada ən çox ixrac edilən və ən çox satılan SİHA olaraq rekord qırıb.