BAKI, AzerVoice

Qəzzada son hücumlarda 10 gün ərzində 322 uşaq öldürülüb.

AzerVoice xəbər verir ki, UNICEF-in açıqlamasına əsasən, İsrailin atəşkəs rejimini pozaraq həyata keçirdiyiəməliyyatlar nəticəsində 609 uşaq da yaralanıb.

Oktyabrın 7-dən bu günə qədər isə Qəzzada 17 400-dən çox uşaq həyatını itirib.

BMT-nin Fələstinli Qaçqınlara Yardım və İşlər üzrə Agentliyinin (UNRWA) məlumatına görə, İsrail ordusu agentliyin məktəblərinə hücum edib, nəticədə 17 nəfər ölüb, bir çox insan yaralanıb. Bundan əlavə, Qəzzada qida çatışmazlığı səbəbindən 100-dən çox yardım mətbəxi bağlanmaq təhlükəsi ilə üzləşib.

Qeyd edək ki, Qəzzada 42 milyon tondan çox dağıntı qalıqları yığılıb və partlamamış sursatların çoxluğu mülki əhali üçün ciddi təhlükə yaradır. Eyni zamanda, minatəmizləmə mütəxəssislərinin bölgəyə girişinə məhdudiyyətlər tətbiq edilib.