BAKI, AzerVoice
Ağ Evin sözçüsü Karoline Leavitt ABŞ-ın ticarət siyasətində tarixi dəyişikliklərə gedildiyini açıqlayaraq, 2 aprel 2025-ci ilin müasir Amerika tarixinin ən mühüm günlərindən biri olacağını bildirib.
AzerVoice xəbər verir ki, ABŞ
administrasiyası sabahdan etibarən ikitərəfli tarif siyasətini
tətbiq etməyə başlayacaq.
Bu siyasətə əsasən, hər bir ölkəyə ABŞ-a tətbiq etdiyi gömrük
rüsumu qədər vergi tətbiq ediləcək.
Ağ Evin sözçüsü Leavitt bunun Amerika iqtisadiyyatına müsbət təsir
göstərəcəyini və ölkənin ticarət münasibətlərində ədaləti təmin
edəcəyini vurğulayıb.
Qeyd edək ki, Prezident Donald Tramp yeni gömrük tariflərini "ABŞ-ın əsl qurtuluş günü" adlandırıb və ABŞ-da istehsal olunmayan avtomobillərə 25 faizlik gömrük rüsumunun tətbiq ediləcəyini elan edib. Bu siyasət nəticəsində iri şirkətlərin ABŞ-a milyardlarla dollarlıq sərmayə qoyacağı və daxili istehsalın artacağı gözlənilir.
