BAKI, AzerVoice
ABŞ prezidenti Donald Tramp, korrupsiyada təqsirli bilinən Fransanın siyasətçisi Marin Le Penə dəstəyini bildirib.
AzerVoice xəbər verir ki, Tramp
"Truth" sosial media hesabında etdiyi paylaşımda Le Penin
qarşılaşdığı siyasi təqibləri qınayaraq, bu vəziyyətin Avropada
solçuların siyasi rəqiblərinə qarşı mübarizənin bir hissəsi
olduğunu ifadə edib.
Tramp, Le Penin "zəhmətkeşliyinə" heyran olduğunu və bu vəziyyətin
Fransa üçün “son dərəcə pis” olduğunu vurğulayıb.
Qeyd edək ki, Le Pen, Avropa Parlamentinin üzvü olduğu dövrdə Avropa İttifaqının vəsaitlərindən sui-istifadə etməkdə ittiham edilir. 2024-cü ilin sentyabrında Paris Cinayət Məhkəməsində başlanacaq mühakimə zamanı Le Penə 5 il siyasi qadağa və 100,000 avro cərimə tətbiq olundu.
Bu məhkəmə prosesi, Marin Le Penin və partiyası Milli Rally-nin Avropa İttifaqının maliyyə vəsaitlərini necə istifadəyə qoyduğu ilə bağlı uzun müddətdir davam edən araşdırmalardan sonra açılıb.
