Bakı. AzerVoice :

İsrail beynəlxalq məhkəmələrdə mühakimə olunan arzuolunmaz bir dövlətə çevrilib.

 AzerVoice xəbər verir ki, bu sözləri Həmas Hərəkatının Siyasi Bürosunun üzvü İzzət ər-Rişk öz açıqlamasında bəyan edib.

İyunun 6-da İsrail ordusu Qəzza zolağının mərkəzi hissəsində yerləşən Nuseyrat Qaçqınlar Düşərgəsində məcburi köçkün fələstinlilərin sığındıqları UNRWA məktəbini bombalamışdı.

Hücumda 14-ü uşaq, 9-u qadın olmaqla 40 fələstinli həyatını itirib, 23-ü uşaq, 18-i qadın olmaqla 74 nəfər yaralanmışdı.

İsrailin BMT-dəki (BMT) daimi nümayəndəsi Gilad Erdan dünən X sosial media hesabındakı paylaşımında BMT-nin İsrail ordusunu "münaqişə zonalarında uşaqlara zərər verən" ölkələrdən ibarət qara siyahıya saldığını açıqlayıb.