BAKI,AzerVoice

Bu cür parçalanma daha əvvəl heç vaxt müşahidə olunmayıb.

AzerVoice xəbər verir ki, bu barədə ABŞ-ın sabiq prezidenti Co Bayden Çikaqo şəhərində keçirilən “Müdafiəçilər, məsləhətçilər və əlillərin nümayəndələri” adlı konfransda çıxışı zamanı deyib.

“Biz bu qədər parçalanmış bir millət olaraq davam edə bilmərik” - o, bu sözləri Tramp tərəfdarları ilə demokratlar arasındakı dərin uçuruma işarə edərək deyib.

Sakit bir tonla danışsa da, Bayden yeni administrasiyanın sosial siyasətinə qarşı sərt ittihamlar səsləndirib və onların cəmi 100 gündən az müddətdə ABŞ-a böyük zərər vurduğunu bildirib.

Onun sözlərinə görə, təxminən 7 min dövlət qulluqçusunun işdən azad edilməsi ciddi çətinliklər yaradıb, o cümlədən informasiya texnologiyaları büdcəsinin azaldılması səbəbindən rəsmi hökumət saytlarının fəaliyyətində problemlər yaranıb.

Qeyd edək ki, sosial təminat ABŞ hökumətinin təqaüdçülərə, əlillərə və həlak olmuş işçilərin ailələrinə maliyyə yardımı göstərdiyi bir proqramdır.

Bayden çıxışında sosial təminatı “müqəddəs bir vəd” adlandırıb.

“İnsanlar indi həqiqətən narahatdırlar. ABŞ tarixində ilk və tək dəfədir ki, sosial təminat ödənişlərinin gecikdirilə və ya dayandırıla biləcəyindən qorxu var” - deyə o bildirib.

Qeyd edək ki, Bayden bu ilin iyul ayında televiziyada zəif debat performansından sonra prezidentlik yarışından çəkilib. Bu isə onun yaşı və zehni hazırlığı ilə bağlı demokratlar arasında narahatlığı daha da artırıb.

Demokrat Partiyasından sabiq vitse-prezident Kamala Harris namizəd olub, lakin seçkilərdə Trampa məğlub olub.