BAKI, AzerVoice
ABŞ Prezidenti Donald Tramp Ukrayna münaqişəsinin həllində Çin rəhbərliyindən yardım istəməyi planlaşdırır.
AzerVoice xəbər verir ki, bu barədə o, Ağ Evdə jurnalistlərin suallarını cavablandırarkən bildirib.
Trampın sözlərinə görə, Çindən bunu istəmək tamamilə təbii bir addım olar. O, münaqişənin həlli istiqamətində müəyyən irəliləyiş əldə olunduğunu qeyd edib.
“Əgər bu münaqişəni dayandıra bilsək, bu, böyük uğur olacaq. Biz çox çalışırıq və düşünürəm ki, artıq sona yaxınlaşırıq” - deyə, Tramp bildirib.
Tramp, ABŞ-ın Ukrayna böhranının həlli üçün diplomatik səylərini davam etdirdiyini və bu məsələdə beynəlxalq əməkdaşlığa önəm verdiyini vurğulayıb.
