BAKI, AzerVoice
Almaniyanın cənubunda yerləşən Bavariya federal ərazisində qatarla yük maşını toqquşub.
AzerVoice xəbər verir ki, bu barədə Bild qəzeti polis nümayəndəsinə istinadən məlumat yayıb.
Məlumata görə, qəza nəticəsində bir neçə nəfər xəsarət alıb. Hadisə yerli vaxtla saat 15:00 radələrində Bavariyanın Pokking şəhəri yaxınlığında mühafizə olunmayan dəmir yolu keçidində baş verib.
Digər bir mənbənin məlumatına görə, toqquşma zamanı yük maşını relslərin üzərində olub. Dörd nəfərin ağır xəsarət aldığı bildirilir, lakin polis son zərərçəkənlərin sayının hələlik dəqiq müəyyən olunmadığını vurğulayıb.
Hadisə yeriə yanğınsöndürənlər və xilasedicilər cəlb olunub. İstintaq davam edir.
