BAKI, AzerVoice
Ukrayna Prezidenti Volodimir Zelenskinin ofisinin rəhbəri Andriy Yermak bildirib ki, Zelenski ABŞ Prezidenti Donald Tramp ilə G7 sammiti çərçivəsində görüşməyi planlaşdırır.
AzerVoice-un məlumatına görə, bu barədə Bloomberg agentliyi məlumat yayıb.
Məlumata görə, Yermakın Vaşinqtona səfəri zamanı ukraynalı nümayəndə heyəti, bu mümkün görüşün hazırlanması üzərində işləyib.
"Bizim Vaşinqtona səfərimiz, xüsusən də Zelenski və Tramp arasında G7 Sammiti çərçivəsində Kanadada baş tutacaq görüşün hazırlığı idi" - deyə, Yermak agentliyə bildirib.
Qeyd edək ki, bu il G7 (Yeddi Böyük Sənaye Ölkəsi) Sammiti 15-17 iyun tarixləri arasında Kanadanın Alberta əyalətindəki Kananaskis bölgəsində keçiriləcək.
