BAKI, AzerVoice

Mali Silahlı Qüvvələrinin Baş Qərargahı ölkənin müxtəlif bölgələrində antiterror əməliyyatlarının keçirildiyini elan edib.

AzerVoice-un məlumatına görə, “Duqukoloko” adlı əməliyyat çərçivəsində bir neçə rayonda ekstremistlərə və terrorçu qruplaşmalara qarşı reydlər təşkil olunub.

Ferabuqu, Sokolo, Nampala, Lere, Murdia, Qao, Timbuktu və Qossi bölgələrində aparılan əməliyyatlar nəticəsində silahlı qüvvələr terrorçuları zərərsizləşdirib, mülki vətəndaşları girovluqdan azad edib, həmçinin silah, rabitə cihazları, nəqliyyat vasitələri və sənədlər ələ keçirib.

Murdia bölgəsində təhlükəsizlik qüvvələri üç nəfər girovu azad edib və dörd terrorçunu zərərsizləşdirib. Qossi və Mərkəzi Mali ərazisində daha dörd terrorçu öldürülüb. Kidal bölgəsində isə hərbi hava hücumu nəticəsində silah-sursat və yanacaq daşıyan yük maşını məhv edilib