Bakı. AzerVoice

Ermənistan İstintaq Komitəsi “Müqəddəs Mübarizə” hərəkatını terror aktı hazırlamaqda ittiham edib.

AzerVoice bu barədə Ermənistan KİV-ə istinadən xəbər verir.

Komitənin açıqlamasına əsasən, “Müqəddəs Mübarizə” adlı hərəkatın üzvləri və liderləri Ermənistan Respublikasında terror aktları həyata keçirməyi və hakimiyyəti ələ keçirməyi planlaşdırıblar.

Məlumata görə, hərəkatın təşəbbüskarı və rəhbəri olan V.G., bir neçə ay ərzində Ermənistan Respublikasında hakimiyyətin ələ keçirilməsi məqsədinə ölkə Konstitusiyası ilə icazə verilən yollarla nail ola bilmədiyindən, 2024-cü ilin noyabr ayından etibarən Ermənistan Respublikasının Konstitusiyasına zidd yolla buna nail olmağı qarşısına məqsəd qoyub.

Xatırladaq ki, bundan bir gün əvvəl Ermənistan baş naziri Nikol Paşinyan ölkədə uğursuz dövlət çevrilişi cəhdinin olduğunu bildirmişdi.