BAKI, AzerVoice

ABŞ Hərbi Hava Qüvvələrinə məxsus qırıcı təyyarələr iyulun 5-də tarixində havaya qaldırılıb. Səbəb bir mülki təyyarənin ABŞ Prezidenti Donald Trampın olduğu Nyu-Cersi ştatının Bedminster bölgəsindəki qolf-klub üzərində uçuşların müvəqqəti məhdudlaşdırıldığı hava məkanına daxil olması olub.

AzerVoice xəbər verir ki, bu barədə Şimali Amerikanın Birləşmiş Aerokosmik Müdafiə Komandanlığı (NORAD) məlumat yayıb.

Açıqlamada bildirilib ki, qırıcılar hava məkanını pozan mülki təyyarəni ələ keçirərək müşayiət edib və həmin təyyarə təhlükəsiz şəkildə bu zonadan çıxarılıb. Qeyd olunur ki, bu bölgədə daha əvvəl də oxşar pozuntu hallarına rast gəlinib.

Xatırladaq ki, Tramp daha öncə özü sahib olduğu həmin qolf-kluba gəlib. 5 iyul tarixi üçün ABŞ prezidentinin rəsmi qrafikində hər hansı ictimai tədbir nəzərdə tutulmayıb. Tramp, adətən, həftəsonlarını bu qolf-klubda keçirir.