Qəzza zolağında aclıqdan ölənlərin sayı artır

Qəzza zolağında aclıqdan ölənlərin sayı artır. Yardım istəyən şəxslər İsrailin hücumları nəticəsində öldürülür.

AzerVoice xəbər verir ki, bu barədə Qəzzanın Səhiyyə Nazirliyi açıqlama yayıb. Açıqlamaya görə ötən gün son 24 saatda ən azı 19 nəfərin aclıqdan öldüyünü açıqlayıb. Aclıqdan ölənlərin sayı 86 nəfərə çatıb ki, onlardan 76-sı uşaqdır.

Qəzzaya qarşı blokadanı aradan qaldırmaqdan imtina edərək fələstinliləri aclığa məhkum edən İsrail ordusu müxtəlif bəhanələrlə mülki insanları hədəfə almağa, qırğınlar törətməyə davam edir. İşğal qüvvələrinin fələstinlilərin yardıma çatmaqda çətinlik çəkdiyi Zikim keçidində və ABŞ-ın dəstəklədiyi Qəzzaya Humanitar Yardım Fondunun (GHF) rəhbərlik etdiyi yardım mərkəzlərində dünənki hücumları nəticəsində 92-si mülki vətəndaş olmaqla ən azı 115 fələstinli həyatını itirib.

BMT-nin Fələstinli Qaçqınlara Yardım Agentliyi Qəzzadan “Acdan ölürük” mesajları aldığını açıqlayıb. Səlahiyyətlilər, "Ərzaq qiymətləri 40 dəfə artıb. Sərhədin kənarında üç aylıq ərzaq ehtiyatımız var, amma onu gətirə bilmirik. Bu böhran texnogendir və dərhal dayandırılmalıdır" deyə bildirib.

Ümumdünya Ərzaq Proqramı (WFP) vəziyyətin həftələrdir həyəcan təbili çaldığını vurğuladı. WFP-nin Fələstin üzrə nümayəndəsi Antoine Renard, "Bir kiloqram unun 100 dollar (4000 türk lirəsi). İnsanlar hər gün deyil, üç gündə bir dəfə yemək yeyə bilər. Bəzi insanlar huşunu itirirlər. Vəziyyət heç vaxt bu qədər pis olmamışdı" deyə bildirib.

Qeyd edək ki, aclıqdan ölənlərin sayının hər gün artdığı bir vaxtda İsrail ordusu Qəzza zolağındakı Deyr əl-Bələhə diqqəti yönəldib. Təxminən 80 min mülki insanın yaşadığı bölgə üçün müharibə başlayandan bəri ilk dəfə təxliyə əmri verilib. Dünən İsrail tankları əraziyə daxil olduqdan sonra hava hücumları başlayıb. İsrail ordusu əvvəllər "bəzi girovların Həmas tərəfindən saxlanıla biləcəyinə inandığı üçün" bu ərazidə əməliyyatlardan çəkinmişdi. Bundan başqa, evakuasiya əmri ilə Qəzza zolağında boşalma əmri verilmiş və ya İsrail tərəfindən hərbi zona təyin edilmiş ərazilərin faizi 87,8%-ə yüksəlib. Bu o deməkdir ki, 2,1 milyon mülki şəxs hazırda Qəzzanın təxminən 12%-i ilə məhdudlaşır.