BAKI, AzerVoice
Altı körfəz ölkəsi bir viza ilə səyahətə imkan verən Şengenə bənzər yeni “Birləşmiş Turist Vizasını” tətbiq etməyə hazırlaşır.
AzerVoice xəbər verir ki, Altı Körfəz Əməkdaşlıq Şurasına (KƏŞ) üzv dövlətlər turizmi təşviq etmək və səyahətləri asanlaşdırmaq üçün ümumi viza sistemi tətbiq etməyə hazırlaşır. Bəhreyn, Küveyt, Oman, Qətər, Səudiyyə Ərəbistanı və Birləşmiş Ərəb Əmirlikləri üçün keçərli olan “Birləşmiş Turist Vizası” ilə ziyarətçilər bu ölkələrə tək viza ilə səyahət edə biləcəklər.
Xatırladaq ki, Vahid turist vizası və ya Vahid GCC vizası 2023-cü ildə təsdiqlənib. Bu yeni Şengenə bənzər sistemin 2025-ci ilin sonu və ya 2026-cı ilin əvvəlində tətbiqi planlaşdırılır.
Hazırda səyahətçilər vizadan azad olmadıqları halda hər bir ölkə üçün ayrıca viza üçün müraciət etməlidirlər. Yeni sistemlə GCC üzvü olmayan ölkələrin vətəndaşları tək və çox ölkəli viza variantları arasında seçim edə biləcəklər.
