BAKI,AzerVoice
İranın “İslam İnqilabı Keşikçiləri Korpusu” Hörmüz boğazında Marşall adaları bayrağı altında üzən “Talara” adlı neft məhsulları tankerini saxlayaraq İran sularına aparıb. Bu barədə dəniz təhlükəsizliyi mənbələri məlumat verib.AzerVoice xəbər verir ki, gəminin operator şirkəti ekipajla əlaqənin kəsildiyini bildirib.
Britaniya ordusu hadisədə “dövlət müdaxiləsi ehtimalının” yüksək olduğunu açıqlayıb. Britaniyanın “Ambrey” təhlükəsizlik şirkətinə görə, boğazdan cənuba doğru hərəkət edən tankerin qarşısını üç sürətli qayıq kəsib və gəmini istiqamətini dəyişməyə məcbur edib.
Məlumata əsasən, tanker hadisədən əvvəl BƏƏ sahilləri - Şarja yaxınlığında Hind okeanında üzərək Sinqapura doğru yola çıxmışdı. Britaniyanın “Vanguard” qrupunun məlumatına görə, gəmi dənizdə İran qüvvələri tərəfindən saxlanılıb və İran sahillərinə tərəf yönləndirilib.
