BAKI,AzerVoice, Fərid Mikayılov
Ukrayna Prezidenti Volodimir Zelenski ABŞ-ın Ukraynaya təqdim etməyi planlaşdırdığı təhlükəsizlik zəmanətləri ilə bağlı irəli sürdüyü şərtlərlə razı olmadığını açıqlayıb.
AzerVoice xəbər verir ki, Zelenski bildirib ki, ABŞ təhlükəsizlik zəmanətləri üzərində işləyir, lakin ilkin mərhələdə ərazi mübadiləsi və ya oxşar məsələlərin həllini şərt kimi irəli sürür.
“Amerikalı dostlarımız təhlükəsizlik zəmanətləri hazırlayırlar. Lakin onlar dedilər ki, əvvəlcə ərazi mübadiləsi və ya buna bənzər addım atılmalıdır, sonra təhlükəsizlik zəmanətləri veriləcək. Mən hesab edirəm ki, əvvəlcə təhlükəsizlik zəmanətləri təmin olunmalıdır” - deyə Zelenski vurğulayıb.
Ukrayna lideri daha əvvəl danışıqlarda Kiyev üçün prioritet məsələnin məhz təhlükəsizlik zəmanətləri olduğunu bildirmişdi.
Qeyd edək ki, Ukrayna ilə bağlı növbəti danışıqlar raundunun fevralın 17–18-də Cenevrədə keçirilməsi planlaşdırılır.
