BAKI, VOA, Fərid Mikayılov
Kreml Kubaya yardım göstərməyə hazır olduğunu açıqlayıb.
VOA xəbər verir ki, Rusiya prezidentinin mətbuat katibi Dmitri Peskov ABŞ-ın tətbiq etdiyi embarqo fonunda Moskvanın Kubaya mümkün dəstəyi nəzərdən keçirdiyini bildirib.
Onun sözlərinə görə, Rusiya Kubaya “mümkün olan bütün yardımı göstərməyə hazırdır” və bu istiqamətdə məsələlər kubalı tərəfdaşlarla müzakirə olunur.
Peskov qeyd edib ki, Kuba hazırda ciddi humanitar problemlərlə üzləşir və Moskva ilə Havana arasında bu məsələ ilə bağlı işçi və ekspert səviyyəsində təmaslar davam edir.
Bundan əvvəl Rusiya prezidenti Vladimir Putin Kubaya qarşı yeni sanksiyaları qəbuledilməz adlandırmış və Rusiya Xarici İşlər Nazirliyinin mövqeyinin açıq və birmənalı olduğunu bildirmişdi.
