BAKI,VOA, Fərid Mikayılov
İndoneziyanın Maluku dənizi sahillərində 7,4 bal gücündə zəlzələ qeydə alınıb.
VOA xəbər verir ki, zəlzələnin episentri Şimali Maluku adasında yerləşən Ternate şəhərindən təxminən 126 kilometr şimal-qərbdə olub.
Yeraltı təkanlar 35 kilometr dərinlikdə baş verib.
İlkin məlumatlara əsasən, zəlzələ ətraf adalarda dağıntılara səbəb olub. Hadisədən sonra verilən sunami xəbərdarlığı isə sonradan ləğv edilib.
Hazırda rəsmi qurumlar tərəfindən insan tələfatı barədə dəqiq məlumat açıqlanmasa da, ölən və yaralananların ola biləcəyi ehtimal edilir.
