BAKI,VOA, Fərid Mikayılov
Macarıstanın yeni baş naziri Peter Maqar ölkədə siyasi sistemin yenidən qurulacağını açıqlayıb.
VOA xəbər verir ki, seçkilərdə qələbə qazanan Maqar paytaxt Budapeştdə tərəfdarları qarşısında çıxış edərək əvvəlki hakimiyyətin təyin etdiyi yüksək vəzifəli şəxsləri istefaya çağırıb.
Məlumata əsasən, yeni hökumət rəhbəri ölkədə demokratik institutların və nəzarət mexanizmlərinin bərpa ediləcəyini bildirib. O, Macarıstanın Avropa İttifaqı və NATO ilə münasibətlərini gücləndirəcəyini vurğulayıb.
Qeyd olunub ki, Peter Maqar Avropa İttifaqı tərəfindən dondurulan maliyyə vəsaitlərinin bərpası üçün Brüsselə səfər etməyi planlaşdırır. Bu çərçivədə Avropa Prokurorluğu ilə əməkdaşlığın genişləndirilməsi də nəzərdə tutulur.
Bildirilib ki, seçkilərin ilkin nəticələrinə görə Maqarın rəhbərlik etdiyi siyasi qüvvə parlamentdə üstünlük qazanaraq hökuməti formalaşdırmaq hüququ əldə edib.
Yeni baş nazir Viktor Orbanın rəhbərlik etdiyi əvvəlki hakimiyyət dövründə təyin olunmuş bir sıra dövlət qurumlarının rəhbərlərini də istefaya dəvət edib.
