BAKI,VOA, Fərid Mikayılov
Polşanın Baş naziri Macarıstanda keçirilmiş parlament seçkilərinin nəticələrinə münasibət bildirib.
VOA xəbər verir ki, o, sosial şəbəkə hesabında Macarıstan və Polşa bayraqları fonunda paylaşım edərək “Welcome back to Europe!” ifadəsini qeyd edib.
Welcome back to Europe! pic.twitter.com/OycXLz1p6u
— Donald Tusk (@donaldtusk) April 13, 2026
Məlumata əsasən, paylaşım Macarıstanda uzun illər hakimiyyətdə olmuş Viktor Orbanın siyasi xəttinin dəyişməsi ilə əlaqələndirilir. Qeyd olunur ki, Orban hakimiyyəti dövründə Budapeştin Avropa İttifaqı ilə münasibətləri gərginləşmiş, ölkə daha çox müstəqil və bəzi hallarda Rusiya ilə yaxın mövqe tutan siyasət yürütmüşdü.
Bildirilib ki, son seçkilərdə müxalif qüvvələrin qələbəsi Macarıstanın Avropa strukturları ilə münasibətlərində yeni mərhələnin başlanğıcı kimi qiymətləndirilir.
Ekspertlər hesab edir ki, yeni siyasi kurs Budapeştin Brüssel ilə əlaqələrini gücləndirə və ölkəni Avropa İttifaqına daha da yaxınlaşdıra bilər.
