BAKI,VOA, Fərid Mikayılov

ABŞ-ın vitse-prezidenti Cey Di Vens Prezident Donald Trampın İranla məhdud deyil, genişmiqyaslı razılaşma əldə etmək niyyətində olduğunu bildirib.

VOA xəbər verir ki, Vens bu barədə Corciya ştatında keçirilən tədbirdə çıxışı zamanı danışıb və hazırkı danışıqların daha geniş strateji yanaşmanın tərkib hissəsi olduğunu qeyd edib.

Qeyd olunub ki, Vaşinqton İranın nüvə silahına malik olmamasını təmin edəcək razılaşma üzərində israr edir və bu istiqamətdə müzakirələr davam etdiriləcək.

Bildirilib ki, ABŞ tərəfi İranla münasibətlərin normallaşması üçün Tehranın “adi dövlət” kimi davranmasının vacibliyini vurğulayır.

Vens əlavə edib ki, tərəflər arasında ciddi etimadsızlıq qalmaqda davam etsə də, potensial razılaşma ilə bağlı nikbinlik qorunur.