BAKI,VOA,Yusif Şərifzadə
ABŞ Prezidenti Donald Tramp İsrailin ABŞ–İran memorandumu ilə bağlı mövqeyinə dair açıqlama verib.
VOA xəbər verir ki, Tramp İsrail rəhbərliyinin bu razılaşmadan razı qaldığını düşündüyünü bildirib.
O qeyd edib ki, ABŞ tərəfi sənədin surətini İsrail hökumətinə göndərib.
Trampın sözlərinə görə, İsrail Baş naziri Benyamin Netanyahu ilə bu mövzu barədə danışıb.
ABŞ Prezidenti bildirib ki, İranın nüvə silahı əldə etməməsi İsrail üçün ən vacib məsələdir.
O, İranın nüvə silahı əldə etməsi halında İsrail üçün ciddi təhlükə yarana biləcəyini deyib.
Tramp razılaşmanın bu riski aradan qaldırdığını vurğulayıb.
Onun sözlərinə görə, buna görə İsrail tərəfi ümumilikdə müsbət mövqe sərgiləyə bilər.
