Vensdən sensasion iddia: "Tramp və Nikson "dərin dövlət"in qurbanı olub"

ABŞ-nin Vitse-prezidenti Cey di Vens Kaliforniyadak, ABŞ-nin daxili siyasi dairələri və tarixi skandalları ilə bağlı sensasion iddialarla çıxış edib. Müasir medianın və siyasi mühitin hiper-partizan və fraqmentləşmiş strukturuna diqqət çəkən Vens, "Əgər Uotergeyt skandalı sabah baş versəydi, bu sadəcə 12 saatlıq bir xəbər gündəmi olaraq qalardı. Bu hadisənin bir prezidentin istefasına yol aça biləcəyi düşüncəsi bu gün üçün sadəcə çılğınlıqdır" deyib.

26 İyun 2026 16:23

BAKI,VOA, Fərid Mikayılov

ABŞ-nin Vitse-prezidenti Cey di Vens Kaliforniyadak, ABŞ-nin daxili siyasi dairələri və tarixi skandalları ilə bağlı sensasion iddialarla çıxış edib.

VOA xəbər verir ki, Vens, ABŞ-nin 37-ci prezidenti Riçard Niksonun istefası ilə nəticələnən tarixi "Uotergeyt" skandalı ilə Prezident Donald Trampın üzləşdiyi hüquqi və siyasi təzyiqlər arasında birbaşa paralellər aparıb.

Vitse-prezident hər iki liderin Vaşinqtondakı xüsusi bürokratik qüvvələr — "dərin dövlət" tərəfindən hədəf alındığını iddia edib.

Müasir medianın və siyasi mühitin hiper-partizan və fraqmentləşmiş strukturuna diqqət çəkən Vens, "Əgər Uotergeyt skandalı sabah baş versəydi, bu sadəcə 12 saatlıq bir xəbər gündəmi olaraq qalardı. Bu hadisənin bir prezidentin istefasına yol aça biləcəyi düşüncəsi bu gün üçün sadəcə çılğınlıqdır" deyib.

Vitse-prezident, həmçinin öz siyasi portretini Niksona bənzədərək, hər ikisinin gənc yaşda senator və vitse-prezident olduqlarını, bestseller kitablar yazdıqlarını və media tərəfindən ciddi təzyiqlərə məruz qaldıqlarını vurğulayıb.