BAKI,VOA,Yusif Şərifzadə
Böyük Britaniya kral ailəsinin üzvü Şahzadə Harri qarşıdakı bir həftə ərzində keçiriləcək tədbirlərdə iştirak etmək üçün Böyük Britaniyaya gəlib.
VOA xəbər verir ki, Şahzadə Harri səfərə həyat yoldaşı Meqan Markl və övladları olmadan çıxıb. Məlumata görə, o, səfəri zamanı Bukinqem Sarayında qala bilməyəcək.
Kral ailəsinə yaxın mənbənin bildirdiyinə görə, Şahzadə Harri Bukinqem Sarayında qalmaq üçün edilən dəvəti vaxtında qəbul etmədiyi üçün ona sarayda yerləşmək imkanı verilməyib.
Məlumatda qeyd olunur ki, bu hadisə Kral III Çarlz ilə ikinci oğlu Şahzadə Harri arasında münasibətlərin hələ də gərgin olaraq qaldığını göstərən növbəti nümunə kimi qiymətləndirilir.
