HƏMAS-ın silahsızlanması mühüm dönüş nöqtəsidir - Tramp

ABŞ Prezidenti Donald Tramp HƏMAS-ın silahsızlanması planı ilə bağlı İsraillə anlaşmanın olduğunu bildirib. O, İsrailin bu prosesə müsbət yanaşdığını vurğulayıb. Tramp qeyd edib ki, əvvəllər belə bir razılaşmanın mümkün olacağına çoxları inanmırdı. Prezident prosesin mürəkkəb olduğunu və müəyyən çətinliklərin yaşana biləcəyini deyib. O, əldə olunan irəliləyişi Yaxın Şərq üçün mühüm addım kimi qiymətləndirib. Tramp bu vəziyyəti ABŞ-ın İran siyasəti ilə əlaqələndirib. İsrail və HƏMAS hələlik bu açıqlamalara münasibət bildirməyiblər.

31 İyul 2026 21:20

BAKI,VOA,Yusif Şərifzadə

ABŞ Prezidenti Donald Tramp bildirib ki, HƏMAS-ın silahsızlanması planı ilə bağlı İsraillə qarşılıqlı anlaşma mövcuddur və Təl-Əviv bu məsələdə konstruktiv mövqe nümayiş etdirir.

VOA xəbər verir ki, Donald Tramp Merilend ştatındakı Kemp-Devid iqamətgahında keçirilən Nazirlər Kabinetinin iclasında çıxışı zamanı İsrailin HƏMAS-ın silahsızlanması planına "çox müsbət yanaşdığını" deyib.

ABŞ Prezidenti qeyd edib ki, bir çoxları belə bir razılaşmanın mümkün olmayacağını düşünürdü.

Onun sözlərinə görə, proses mürəkkəb olduğundan müəyyən enişli-yoxuşlu mərhələlərin yaşanması istisna deyil.

Tramp HƏMAS-ın silahsızlanması ilə bağlı əldə olunan irəliləyişi Yaxın Şərq üçün mühüm dönüş nöqtəsi adlandırıb.

O əlavə edib ki, bir neçə ay əvvəl belə bir razılaşmanın mümkün görünmədiyini, lakin hazırkı vəziyyətin ABŞ-ın, xüsusilə də İranla bağlı siyasətinin nəticəsi olduğunu iddia edib.

İsrail və HƏMAS tərəfləri isə Trampın bu açıqlamalarına hələlik münasibət bildirməyiblər.