BAKI,VOA,Yusif Şərifzadə
ABŞ prezidenti Donald Tramp Yaxın Şərqdə yerləşdirilən silah ehtiyatlarından indiyədək yalnız çox cüzi hissəsinin istifadə edildiyini bildirib.
VOA xəbər verir ki, Tramp bu barədə “Foks Nyus” telekanalına müsahibəsində danışıb.
ABŞ prezidenti Yaxın Şərqdə yerləşdirilən silah ehtiyatlarının hazırkı vəziyyəti ilə bağlı suala cavab verərkən istifadə olunan sursatın miqdarının olduqca az olduğunu deyib.
Tramp bildirib ki, indiyədək istifadə edilən silahlar ABŞ-ın bölgədəki ümumi ehtiyatları ilə müqayisədə çox kiçik həcm təşkil edir.
ABŞ prezidentinin açıqlaması Vaşinqtonun Yaxın Şərqdə hərbi imkanlarının geniş olduğunu və mövcud ehtiyatların böyük hissəsinin hələ istifadə edilmədiyini göstərməyə yönəlib.
Tramp bununla ABŞ-ın hərbi əməliyyatları davam etdirmək üçün kifayət qədər imkanlara malik olduğunu vurğulayıb.
