BAKI, AzerVoice
Türkiyənin 10 şəhərində təşkil olunmuş cinayətkar qruplara qarşı son 2 həftədə aparılan genişmiqyaslı əməliyyatlarda 142 nəfər şübhəli şəxs saxlanılıb.
AzerVoice xəbər verir ki, bu barədə Türkiyənin Daxili İşlər naziri Ali Yerlikaya X sosial media hesabında paylaşım edib.
Saxlanılanlardan 86-sı barəsində həbs qərarı, 44 nəfər haqqında isə məhkəmə nəzarət tədbiri tətbiq olunub.
Əməliyyatlar zamanı 48 ədəd tapança, 30 ədəd ov tüfəngi, 3 ədəd zirehli jilet, müxtəlif növ narkotik maddələr və 12 ədəd qumar aparatı müsadirə edilib.
“Heç bir cinayət və cinayətkar cəzasız qalmayacaq. Təşkil olunmuş cinayətkar şəbəkələrə qarşı mübarizəmizi qətiyyətlə davam etdirəcəyik”- deyə Yerlikaya bildirib.
