BAKI,
AzerVoice
ABŞ prezidenti Donald Tramp qısa video platforması TikTok-un satışı
ilə bağlı mühüm açıqlama verib.
AzerVoicexəbər verir ki, O bildirib
ki, “çox varlı bir qrup insan” TikTok-un alınması üçün razılığa
gəlib və artıq alıcı tapılıb.
Tramp alıcının kimliyini açıqlamasa da, iki həftə ərzində dəqiq məlumat verəcəyini bildirib. “Düşünürəm ki, Çindən də icazə almaq lazımdır. Sədr Si Cinpin yəqin ki, bunu təsdiqləyəcək.” - deyə O əlavə edib.
Xatırladaq ki, ABŞ administrasiyası son illərdə TikTok-un Çinlə mümkün əlaqələri səbəbindən milli təhlükəsizlik üçün təhdid ola biləcəyini əsas gətirərək platformanın ya satılmasını, ya da ABŞ-da qadağan edilməsini gündəmə gətirmişdi.
Daha əvvəl Tramp Larry Ellison və Elon Musk kimi texnologiya milyarderlərinin adı çəkilən potensial alıcılar arasında olduğunu qeyd etmişdi. Lakin son açıqlamalara əsasən, Elon Musk-ın alış ehtimalı azalmış görünür.
Qeyd edək ki, TikTok-un gələcəyi yalnız ABŞ üçün deyil, qlobal rəqəmsal media sektorunda da diqqətlə izlənilən əsas məsələdir. Satış prosesinin Çin hökumətinin təsdiqinə bağlı olması isə yaxın günlərdə beynəlxalq diplomatik gərginliyə də yol aça bilər.
