BAKI, AzerVoice, Nailə Babazadə
İranın Ali Milli Təhlükəsizlik Şurasının katibi Əli Laricanı bazar ertəsi, 24 noyabr tarixində “dost və qardaş” Pakistan ölkəsinə rəsmi səfər edəcək.
AzerVoice xəbər verir ki, bu barədə o, X sosial şəbəkəsində paylaşım edib.
Laricanı bildirib ki, İran xalqı heç vaxt Pakistan xalqının İrana dəstəyini unutmur. O, xüsusilə İsrail rejimi və ABŞ-ın iyun ayında İrana qarşı tətbiq etdiyi 12 günlük işğalçı müharibə zamanı Pakistanın göstərdiyi dəstəyi xatırladıb.
Əli Laricanı həmçinin vurğulayıb ki, İran və Pakistan regionda davamlı təhlükəsizliyin təmin edilməsində iki böyük və təsirli ölkədir və iki ölkə arasında qardaşlıq əlaqələri daim önəmlidir.
Bu səfər, İran və Pakistan arasında strateji və diplomatik əlaqələrin gücləndirilməsi baxımından əhəmiyyət daşıyır.
