Səudiyyə Ərəbistanı və Pakistan İran hücumlarını müzakirə edib
Səudiyyə Ərəbistanının müdafiə naziri Şahzadə Xalid bin Salman Pakistan Silahlı Qüvvələrinin Baş Qərargah rəisi Asim Munirlə Yaxın Şərqdə artan hərbi gərginlik fonunda İranın krallığa qarşı həyata keçirdiyi hücumları müzakirə edib. Şahzadə Xalid şənbə günü sosial şəbəkədə paylaşım edərək bildirib ki, tərəflər İranın hücumlarını və bu hücumların dayandırılması üçün Birgə Strateji Müdafiə Sazişi çərçivəsində görülməsi zəruri olan tədbirləri müzakirə ediblər. O qeyd edib ki, bu cür hərəkətlər regional təhlükəsizlik və sabitliyi zəiflədir və İranın müdriklik göstərərək yanlış addımlardan çəkinəcəyinə ümid etdiklərini vurğulayıblar.
Ceyhun Bayramov İranın nazir müavini ilə regional təhlükəsizliyi müzakirə edib
Azərbaycan Respublikasının xarici işlər naziri Ceyhun Bayramov ölkəmizdə səfərdə olan İran İslam Respublikasının xarici işlər nazirinin müavini Vahid Cəlalzadəni qəbul edib.
Hakan Fidan İraq və İordaniyalı həmkarları ilə regional gərginliyi müzakirə edib
Türkiyənin Xarici İşlər Naziri Hakan Fidan İraqın Xarici İşlər Naziri Fuad Hüseyn və İordaniyanın Xarici İşlər Naziri Eymen es-Safedi ilə telefon danışığı aparıb. Diplomatik mənbələrdən əldə edilən məlumata görə, nazirlər arasında baş tutan bu təmaslar regionda son dövrlərdə artan hərbi və siyasi gərginliyin azaldılmasına yönəlib.
Abbas Əraqçi və Hakan Fidan regional gərginliyi müzakirə ediblər
İranın xarici işlər naziri Abbas Əraqçi türkiyəli həmkarı Hakan Fidan ilə telefon danışığı zamanı bölgədəki son hadisələri dəyərləndirib. Türkiyə Xarici İşlər Nazirliyindən əldə edilən məlumata görə, telefon danışığı zamanı regional sabitliyin qorunması yolları ətrafında fikir mübadiləsi aparılıb. Abbas Əraqçi ilə söhbətində Hakan Fidan mövcud gərginliklərin aradan qaldırılması üçün diplomatik müzakirələrin və dialoqun vacibliyini diqqətə çatdırıb.
İran və Səudiyyə Ərəbistanı XİN rəhbərləri regional məsələləri müzakirə ediblər
İranın xarici işlər naziri Abbas Əraqçi ilə Səudiyyə Ərəbistanı Krallığının xarici işlər naziri şahzadə Feysəl bin Fərhan arasında telefon danışığı baş tutub. Danışıq zamanı tərəflər İran və Səudiyyə Ərəbistanı arasında ikitərəfli münasibətlərin inkişafını, həmçinin regionda və beynəlxalq aləmdə baş verən əsas prosesləri müzakirə ediblər. Nazirlər siyasi məsləhətləşmələrin davam etdirilməsinin və qarşılıqlı əməkdaşlığın gücləndirilməsinin ortaq maraqlara və regional sabitliyə töhfə verəcəyini vurğulayıblar.
Laricanı bu gün Pakistana səfər edəcək
İranın Ali Milli Təhlükəsizlik Şurasının katibi Əli Laricanı bazar ertəsi, 24 noyabr tarixində “dost və qardaş” Pakistan ölkəsinə rəsmi səfər edəcək. Bu barədə o, X sosial şəbəkəsində paylaşım edib. Laricanı bildirib ki, İran xalqı heç vaxt Pakistan xalqının İrana dəstəyini unutmur. O, xüsusilə İsrail rejimi və ABŞ-ın iyun ayında İrana qarşı tətbiq etdiyi 12 günlük işğalçı müharibə zamanı Pakistanın göstərdiyi dəstəyi xatırladıb.
