BAKI,AzerVoice, Nailə Babazadə
Avropa Yayım Birliyi (EBU) etirazlara baxmayaraq,törədən İsrailin 2026 Avroviziya Mahnı Müsabiqəsinə qatılmasına icazə verib. TRT-nin “soyqırım” vurğusu ilə sərt etiraz edib İsrail heyəti danışarkən salonu tərk etdiyi iclasda, 6 ölkə müsabiqədən çəkildiyini açıqlayıb.
AzerVoice xəbər verir ki, İsrailin Avroviziya Mahnı Müsabiqəsində iştirakına geniş kütlələr və bir çox yayımçı etiraz etsə də, Avropa Yayım Birliyinin (EBU) Cenevrədə keçirilən 95-ci Baş Assambleyasında Avroviziya Mahnı Müsabiqəsinə qatılma şərtlərinə gətiriləcək yeni qaydalar və bununla əlaqədar İsrail dövlət yayımçısı KAN-ın 2026-cı ildə yarışmada iştirak edib-etməyəcəyi səsverməyə çıxarılıb.
EBU Baş Assambleyasında keçirilən səsvermədən əvvəl üzvlər söz alaraq KAN-ın müsabiqəyə qatılması ilə bağlı fikirlərini bildirdiblər.
EBU-nun qurucu və əsas üzvlərindən biri olan TRT heyəti də səsvermədən əvvəl mövqeyini açıqlayıb.
“Bu salondakı hər kəs kimi biz də TRT olaraq on illərdir davam edən bir zülmə və bütün dünyanın gözü qarşısında baş verən bir soyqırıma şahidlik edirik. Guya atəşkəsin başlamasından bu yana onlarla uşaq öldürüldü, yardımlar hələ də Qəzzaya təhlükəsiz şəkildə çatmır. 270-dən çox jurnalist İsrail tərəfindən öldürüldü. TRT-nin mövqeyi açıqdır: İsrailin dövlət yayımçısı KAN-ın müsabiqəyə qatılması nə uyğun, nə də yarışmanın dəyərləri ilə uzlaşandır və buna görə də onun iştirakına icazə verilməməlidir.” - deyə qeyd edibilib.
