ABŞ məhkəməsi miqrantların üçüncü ölkələrə deportasiya edilməsini qanunsuz hesab edib

ABŞ-ın Massaçusets dairə hakimi Brayan Mörfi (Brian Murphy), Prezident Donald Tramp administrasiyasının qeyri-qanuni miqrantları vətəndaşı olmadıqları üçüncü ölkələrə deportasiya etmək siyasətinin hüquqa zidd olduğuna qərar verib. "The Washington Post" qəzetinin məlumatına görə, hakim Mörfi administrasiyanın bu tətbiqini "qanunsuz" adlandırıb. O, qərarında qeyd edib ki, miqrantlara deportasiya qərarlarına qanuni yollarla etiraz etmələri üçün daha çox vaxt verilməlidir. Hakim, həmçinin hökumətə bu qərardan apellyasiya şikayəti vermək üçün 15 gün vaxt tanıyıb.

26 Fevral 2026 12:12

Bizi buradan izləyin və Bizə yazın

BAKI, VOA, Nailə Babazadə

VOA xəbər verir ki, "The Washington Post" qəzetinin məlumatına görə, hakim Mörfi administrasiyanın bu tətbiqini "qanunsuz" adlandırıb. O, qərarında qeyd edib ki, miqrantlara deportasiya qərarlarına qanuni yollarla etiraz etmələri üçün daha çox vaxt verilməlidir. Hakim, həmçinin hökumətə bu qərardan apellyasiya şikayəti vermək üçün 15 gün vaxt tanıyıb.

ABŞ Daxili Təhlükəsizlik Nazirliyi (DHS) məhkəmənin qərarına dərhal reaksiya verib. Nazirliyin bəyanatında bildirilir:

"DHS-ə öz qanuni səlahiyyətlərindən istifadə etməyə və qeyri-qanuni miqrantları onları qəbul etməyə hazır olan istənilən ölkəyə deportasiya etməyə icazə verilməlidir." - deyə nazirliyin bəyanatında bildirilib.

ABŞ Senatının Xarici Əlaqələr Komitəsinin 13 fevral tarixli hesabatında diqqətçəkən rəqəmlər yer alıb. Hesabata görə, Tramp administrasiyası 2025-ci il ərzində yüzlərlə miqrantı vətəndaşı olmadıqları üçüncü ölkələrə göndərmək üçün 40 milyon dollardan çox vəsait xərcləyib.